Bada urte bat Egian Egiaz sortu genuela. Eta gaurko honetan, urtemuga honetan, Egiako Atari honen Genesiaz jardungo gara.

Urte bat bada Blogak Zerotik kurtsora joan ginela, blog egoki bat nola egin erakutsi zigun ikastaro bat. Hura Galder Segurola-ren eskutik etorri zen, lagun on bat. Azaldu zizkigunak idatzi egin zituen gero eta bere blogera igo zuen ikastaroa, beste pertsona batzuek ere hartaz baliatu zitezen (hura ikusteko klik egin hemen). Ikastaro hura, Aberrigintzan Kultur Taldeak subentzionatu zuen, haiei ere eskerrak eman nahi dizkiegu hemendik.

Zaila da, benetan, blog bat modu konstante batean berrituta edukitzea. Denbora behar da, gai interesgarri eta mamitsuak behar dira. Hori da Egian Egiaz-ek azken urte honetan erakutsi diguna. Baina horrek ez du, inola ere, esan nahi esperientzia desegokia izan denik. Alderantziz, auzo bati buruzko blog bat edukitzean, hari buruzko ikuspegia guztiz aldatzen da, auzoko bizitza aztertu eta erakusten saiatzen zarelako. Horregatik, eskerrak eman nahi dizkiogu Galder Segurola-ri mundu berri honetan, Web 2.0 mundu honetan, lehen pausoak ematen laguntzeagatik.

Mila esker ere zuei, irakurleoi urte honetan Egiako errealitatea gurekin konpartitu duzuen horiei. Mila esker, benetan. Eta zorionak Blogak Zerotik. ZORIONAK!

Hauteskundeak hasi dira. Nabaritu duzue, ezta? Buzoiak Odonen panfleto eta sasi-aldizkariez beterik. Geure diruarekin egindako panfletoak. Kanpainian gaude, nabari da. Haizeak daramatza esames asko, gehiegi agian.

Orain Eusko Alkartasunak kanpainiarako egin duen bideo batekin utziko zaituztet. Bideo oso interesgarria:

Artikulu hau gaztelaniaz irakurri nahi baduzue sakatu hemen.

Bai, hala da. Gaurtik aurrera Egia auzoko blog hau elebiduna izango da, euskaraz eta gaztelaniazko bertsioak izango ditu. Beharrezkoa ikusten genuen irakurleei gaztelaniazko aukera bat ematea. Ildo horretatik, Wordpressekin gaztelaniazko bertsioa eraiki dugu. Ez da erraza izan eta arazoak izan ditugu eta. Horregatik, gure lagun on Galderri eskerrak eman nahi dizkiogu, eskaini eta emandako laguntzarengatik. Egian Egiaz ezerezean geldituko zen laguntza hori eman izan ez baligu.

Batetik, ikusiko zenutenez blogaren burualdeko barran, azken botoia gaztelaniazko bertsiora eramango zaituztena da: Egian Egiaz en Castellano. Bestetik, hemendik aurrera, sarrera berri guztiek gaztelaniazko bertsiorako lotura zuzena izango dute haien amaieran.

Hala ere, modu zuzenean sartu nahi baldin baduzue gaztelaniazko bertsiora, URLan hauxe ipini: www.cas.egiaz.net

Artikulu honen gaztelaniazko bertsioa irakurri nahi baduzu hemen sakatu.

Bi egunetik hona gauza kurioso bat antzeman dut Egiako, gure auzoko, erloju baten inguruan. Tabacalerako erlojua geldirik dago bi gauaz hona. 10:15ak direla esaten digu, edota 22:15ak. Fijatu al da inor?

Post laburra da hau, bakarrik planteatu nahi nuen zein ote litzatekeen denboran geldituta mantendu daitekeen auzo baten etorkizuna. Denboran geldi, geldi…

Denok ditugu gure auzoak berezi edo kurioso egiten dituzten elementu edo ezaugarriak. Egia gure auzoan adibididez, Polikiroldegiko plaza parean, eguzki erloju bat dugu. Inoiz ez dut ulertu oso ondo nola funtzionatzen zuen, inoiz ez zuelako ordu zuzena markatzen. Baina, oroitzapenak gaurkotuz, txikiak ginenean eta erlojurik ez genuenean, plazan pasioan edota eserita zeuden aiton-amonek, ezpainetan irripar batekin esaten ziguten, “Han duzue erlojua. Hura begiratu.”

Post edo sarrera hau, erloju harrentzako gorazarre bat besterik ez da. Auzo guztiek dituzte halako txokoak, zeintzuk dira zuenak?